|| Durga ji aarti ||
Ambe Tu Hai Jag dambe Kaali,
Jai Durge Khappar Waali,
Tere Hi Gun Gaveen Bhaarati,
O Maiyaa Hum Sab Utaare Teri Aarti।
O Maiyaa Hum Sab Utaare Teri Aarti।
Tere Bhakt Jano Par Maata,
Bheer Paddi Hai Bhaari।
Danav Dal Par Toot Paddo Maa,
Karake Singha Sawari॥
Sau Sau Sighon Se Balshaali,
Hai Asht Bhujaaon Waali,
Dushton Ko Tu Hi Lal karati।
O Maiyaa Hum Sab Utaare Teri Aarti।
Maa Bete Ka Hai Is Jag Me
Badda Hi Nirmal Naata।
Poot Kapoot Sune Hai Par Na
Mata Suni Kumaata॥
Sab Pe Karuna Darshaane Waali,
Amrit Barsaane Waali,
Dukhiyon Ke Dukhade Niwarati।
O Maiyaa Hum Sab Utaare Teri Aarti।
Nahin Mangte Dhan Aur Daulat,
Na Chandi Na Sonaa।
Hum To Mangen Tere Charano Me
Ek Chhota Sa Kona॥
Sabaki Bigadi Banane Wali,
Laaj Bachane Wali,
Satiyon Ke Sat Ko Sanvaarti।
O Maiyaa Hum Sab Utaare Teri Aarti।
Charan Sharan Me Khade Tumhari,
Le Puja Ki Thaali।
Varad Hasta Sar Par Rakha Do Maa
Sankat Harane Waali॥
Maa Bhar Do Bhakti Ras Pyaali,
Asht Bhujaaon Waali,
Bhakton Ke Karaj Tu Hi Saarati।
O Maiyaa Hum Sab Utaare Teri Aarti।
